Ray Milland

Ray Milland
Oskar-premiito
Persona informo
Ray Milland
Naskonomo	Alfred Reginald Jones
Naskiĝo	3-an de januaro 1907 (1907-01-03) en Neath
Morto	10-an de marto 1986 (1986-03-10) (79-jaraĝa) en Torrance
Mortis pro	Naturaj kialoj vd
Mortis per	Pulma kancero vd
Lingvoj	angla vd
Loĝloko	Neath Port Talbot vd
Ŝtataneco	Unuiĝinta Reĝlando (Britio) Usono vd
Alma mater	Kings Monkton School (en) vd
Partio	Kalifornia Respublikana Partio vd
Infanoj	2
Profesio
Okupo	aktoro teatra aktoro televida reĝisoro produktoro reĝisoro filmproduktoro filmaktoro televida aktoro filmreĝisoro scenaristo verkisto vd
Aktiva dum	1929–1985 vd
Honorigoj Honorigoj (1946)  Akademia Premio por la Plej Bona Aktoro, kialo de la premio The Lost Weekend (en) (1946)  Cannes Film Festival Award for Best Actor (en) , kialo de la premio The Lost Weekend (en) (1946)  Golden Globe Award for Best Actor in a Leading Role (en) , kialo de la premio The Lost Weekend (en) (1945)  National Board of Review Award for Best Actor (en) , kialo de la premio The Lost Weekend (en)  stelo sur la Trotuaro de famo en Holivudo vd
vd	Fonto: Vikidatumoj

Ray MILLAND (denaske Alfred Reginald Jones; 3a de januaro 1907 - 10a de marto 1986) estis kimra aktoro kaj kin-reĝisoro kiu havis ŝtatanecojn kaj de Britio kaj de Usono. Lia kinkariero daŭris el 1929 ĝis 1985, kaj li estas plej bone memorita pro sia Oskar-premiita portreto de alkoholisma verkisto en The Lost Weekend (1945), kiel ĉefrolulo kontraŭ la korupta rolulo ludita de John Wayne en Reap the Wild Wind (1942), la murdokomplota edzo en la filmo de Alfred Hitchcock nome Dial M for Murder (1954), kaj kiel Oliver Barrett III en Love Story (1970).

Antaŭ iĝi aktoro, Milland militservis en la Brita Armeo, kie li estis efika pafisto, ĉevalrajdisto kaj aviadpiloto. Li lasis la armeon por sekvi karieron de aktoro kaj aperis kiel figuranto en kelkaj britaj filmoj antaŭ ekhavi sian unuan gravan rolon en The Flying Scotsman (1929). Tiu kondukis al naŭ-monata kontrakto kun MGM, kaj li translokiĝis al Usono, kie li aperis dekomence kiel duaranga aktoro. Liberigita de MGM, li estis dungita de Paramount, kiu uzis Milland en gamo de malmulte parolantaj roloj, norme kiel angla rolulo. Li estis pruntita al Universal por muzikalo de Deanna Durbin nome Three Smart Girls (1936), kaj ties sukceso portis Milland al grava rolulo en The Jungle Princess (ankaŭ en 1936) kun nova stelulino Dorothy Lamour. La filmo estis granda sukceso kaj lanĉis ambaŭ al steluleco. Milland restis kun Paramount dum preskaŭ 20 jaroj.

Aldone al sia Oskar-premiita rolo en The Lost Weekend, Milland aperis en la filmo de Billy Wilder nome The Major and the Minor (1942), The Uninvited (1944), The Big Clock (1948), kaj The Thief (1952), el kiuj la lasta havigis al li nomumojn por sia dua Ora Globo. Lasinte Paramount, li ekreĝisoris kaj finkarieris transirante al televido. Milland, kiu estis iam la plej bone pagata aktoro de Paramount Pictures, kunstelulis kun multaj el la plej popularaj aktorinoj de la epoko, kiel Gene Tierney, Grace Kelly, Lana Turner, Marlene Dietrich, Ginger Rogers, Jane Wyman, Loretta Young, kaj Veronica Lake.

Bibliografio

• Berry, David (1996). Wales and Cinema, The First Hundred Years. Cardiff: University of Wales Press. p. 215. ISBN 0-7083-1370-1.
• Milland, Ray (1974). Wide-Eyed in Babylon. New York: Morrow. ISBN 0-688-00257-9.
• Parkinson, David (2011). "Ray Milland". Oxford Dictionary of National Biography (reta eld.). Oxford University Press. doi:10.1093/ref:odnb/57315.
• Picturegoer Staff (5a de januaro, 1935). "The Menace of Marathon Movies: Headed for Stardom". Picturegoer.